Қазақстандағы 12 жасар сазгер Нұрәлі Бейсеқожа марқұм Денис Тенге арнап «Аққан жұлдыз» атты туынды жазды, деп хабарлайды Kyn.kz ақпарат агенттігі.
Мәнерлеп сырғанаушы Денис Тен 2018 жылдың 9 маусымында «Денис пен оның достары» атты кезекті шоуын өткізген болатын. Спортшы осы шоуды «аққан жұлдызға» теңеген еді. Тіпті, отандық басылымдар да оны «аққан жұлдыздың шоуы» деп атады.
«Қымбатты достар, сіздерді осында көруім мен үшін үлкен мәртебе! Осы тамаша сезімді бізбен бөліскендеріңіз үшін рахмет! Бұл шоу маған «аққан жұлдызды» есіме түсіреді: «Аққан жұлдызды» көрген адам бақытты!» — деді Денис Тен.
