Президент мемлекеттен ешкімге тегін үй берілмейтінін ескертті
Елбаса баспана алам деушілерге несие жөнінде, басқа да жеңілдіктер қарастыруға болатынын айтты.
Мемлекет басшысы кезекті жолдауы кезінде ешкімге тегін баспана берілмейтінін айтты. Назарбаев бұдан былай тегін баспанаға кезек деген болмауы керек екенін де өз себебімен қоса түсіндірді. “Қалада жалдамалы үйдің құрылыс жұмыстарын ұлғайту керек. Бұл халықтың әлеуметтік әлсіз топтары үшін қажет. Тағы да қайталап айтам, ешкімге тегін баспана берілмейді. Қазір бәрі басқаша, нарықтық экономика. Мемлекет тегін үй бермейді”, – деді мемлекет басшысы. “Еш жерде тегін пәтер үшін кезек болмауы керек. Мемлекет есебінен бес жыл ішінде 650 мың отбасыға немесе 2 млн адамға қолдау көрсетіледі”, – дейді Нұрсұлтан Назарбаев.