Астанада менингит деген күдікпен мектеп оқушысы ауруханаға түсті
Ауруханаға түскен елордалық 1-сынып оқушысы менингитке шалдыққан деп күдіктелуде
Оқушы ауруханаға жатқызылды. Халықаралық мектеп оқушысы 12 қазанда ауырған. Астана қалалық денсаулық сақтау департаментінің жетекшісі Сәдуақас Байғабыловтың айтуынша, балаға алдын ала диагноз қойылды. “Оқушы қазір балалар ауруханасында емделіп жатыр. Жағдайы қанағаттанарлық. Дене қызуы қалыпқа сай шамада. Менингит вирусын жұқтырғанымен де даурығатын ештеңе жоқ”, – дейді ол. Оқушы оқыған сыныпта профилактикалық шаралар жүргізілді.