Түркістан облысында оқ жарақатын алған Төле би ауданы әкімінің орынбасары Рабиға Бейсебаеваның ұлы Шымкент ауруханасында жатқан анасының жағдайын білу үшін шұғыл түрде Астанадан келді, деп жазды жергілікті «Отырар» арнасы.
«Анама жасалған қастандық туралы түсте білдім. Дереу Астанадан ұшып келдім. Маған айтылғандай, біздің үйіміздің маңында анама оқ атылған, оның басы жарақаттаныпты.
Мен бірден ауруханада жатқан анама барып, жағдайын білдім. Жарасын бірден тіккен. Қазіргі уақытта жағдайы қанағаттанарлықтай. Бұған дейін мұндай жағдай болған емес», – дейді Болат Жаппаров.
Рабиға Бейсебаеваның әріптестері оның осы қызметте жеті жылдан бері отырғанын айтады.
