Қытайда ер адам ұл баланы бірнеше жыл бойы армандапты. Әйелі жүкті болғаннан бастап мирасқорын күткен көрінеді. Өзінің ойындағы арманы жүзеге аспаған ол бірден дүниеге келген қызды сатуға оқталған. Әрі оны сатып алатын адамды да тауып қойған.
Оқиға Чжэцзян провинциясының Иу қаласында 42 жастағы Сяохуэя Лидің басынан өткен. Бұл баладан бөлек оның үлкен қызы бар екен. Қыз баланы қаламаған ер адам оны балаға зар болып отырған ерлі- зайыптыға 4 мың юаньға яғни 200 мың теңгеге сатып жіберген.
Лидің анасы екінші немересінің кенеттен жоғалып кеткеніне шағымданып, полицияға арызданады. Полиция он жыл бойы бала сүйе алмаған отбасының сатып алғанын анықтап, нәрестені әжесі мен анасына қайтарды. Ал баланың әкесі мен сатып алған әйел мен ер адам қазір тергелуде. Олар осы қылмыс үшін он жылға қамалуы мүмкін.
Баланың әкесі осы өз әрекетін ұл бала қалайтынымен, жұмыссыз болғандықтан екі бірдей қызды асырауға шамасы келмейтіндігімен түсіндірмек болыпты.
