Бұл жағдай 21 қараша күні кешке Қытайдың оңтүстік-шығысындағы Цзянси провинциясының Фучжоу қаласында болды. Зорланған әйел полицияға барып, өзін Фань есімді азамат қорқыта отырып зорлағаны жайлы айтады. Ер адам үш улы жыланды алып жуынатын бөлмеге кеткен кезде келіншек қонақүйден қашып шыққанын түсіндіреді. Полицейлер аталған қонақүйге барып, әйелдің ақпаратын тексермек болған кезде  төсектен ер адамның мәйітін тауып алады. Кейінірек оны жылан шағып алғаны анықталды. Жыландардың бірі бөлмеден шығып кетіп, полицейлерді біраз әуреге салды. Олардың арасында адамға өте қауіпті  оңтүстік қытайлық улы жылан бар болып шықты.