Ақмола облысында мас күйінде рөлге отырған депутат жол апатын жасады
Депутат жол апатын қызметтік көлігімен жасаған.
Ақмола облысында мәслихат депутаты жол апатына себепкер болды. Ол көлікті ішімдік ішкен күйі басқарған, деп хабарлайды КТК. Депутат отырған ВАЗ 2107-і көлігі әкімдікке қарасты орталықтың меншігінде. Мәслихат депутаты Медет Дәулетханов осы көлікпен Ауди А-4 көлігін артқы тұсынан келіп соққан. «Жастар ресурстық орталығының» басшысы Медет Дәулетханов Біржан сал аудандық мәслихатының депутаты. Тексеру кезінде оның ішімдік ішкені белгілі болды. Одан бөлек қызметтік көлікті жұмыстан тыс пайдаланғаны үшін де жауап береді. Апат 8 желтоқсанда болған. Апатқа себепші болғаны үшін хаттама толтырылды.