Өнер жұлдыздары отырған көлікте төрт адам болыпты. Алматыдағы Абай мен Сейфуллин даңғылдарының бойында болған оқиға бейнебақылау камерасына түсіп қалған. Жарияланған видеоны көргендер жол талғамайтын көліктің ережені өрескел бұзғанын жарыса айтып жатыр.
Көлік ішінде болған үш адам осы оқиға салдарынан қайтыс болды. Ал актриса Айзада Сатыбалдиева бүгін аурухананың жансақтау бөлімінде есін жиды.
