"Үкілі бала" атанған емші Ерболсын халыққа сүйіктісін көрсетті (фото)
Ерболсын: Кез келген әйелдің жүрегі үмітке толы, ол қасық қаны қалғанша сүйеді
Небәрі 12-13 жасында емшілігімен бүкіл Қазақстанға танылған Ерболсын Серікбаев бүгінде ер жетіп, медицина мамандығына қызығушылық танытып жүргенін айтқан болатын. Ол тек адам емдеумен айналыспайды әншілік пен бишілікті де қатар меңгеріп жүрген жігіт.
Емші бала бүгінде туған ауылы аралқұмнан Ақтөбеге көшіп кеткен. Желідегі парақшасына қарап отырып, оның түрлі аймақтарды аралап адам емдеумен айналысатынын аңғаруға болады.
Қатарластары сияқты көлік жүргізіп,құрбыларымен қыдырған сәттерінен де көптеген видео, фото бөліседі, деп жазды KYN.KZ. Ерболсын желідегі парақшасына соңғы кездері бойжеткенмен қыдырып жүрген видеоларын көптеп жүктеп жүрген еді. Кеше ғана ол сүйіктісімен қол ұстасып тұрған суретін көрсетті. Көпшілік ғашықтарға бақыт тілеп, ізгі ниеттерін жазып жатыр. Әрі көптеген қыздар Ерболсынның жүрегін жаулаған арудың кім екенін сұрастырумен әуре болуда. 
Ал емші жігіт Ерболсын осы суреттің астына былай деп жазба қалдырған.
"Кез-келген әйелдің жүрегі үмітке толы. Оны "өлтіру" үшін қанжармен жасалған бір соққы аздық етеді. олар қасық қаны қалғанша сүйіп өтеді" деген.
Өздеріне бақыт тілеген халыққа емші жігіт алғысын айтқан.