Рудный саябақтарының бірінде хиджабтағы әйел бейтаныс баланы ұрып жіберген, бұл туралы Esil.media парақшасына сілтеме жасаған KYN.KZ хабарлайды Оқиға демалыс саябағында болған. Желіде пайда болған видеода хиджабтағы әйел баланы балағаттап қана қоймай, жұдырық астына алды. Бұл туралы желіде таяқ жеген баланың анасы жариялады. Оның айтуынша әйел баланы еш себепсіз ұрған. «Жаңа тұрғызылған скейт-саябақта менің баламның басынан өткен жағдай. Осындай «ұлттық киім киген» ашулы аналар баламды балағаттап, ұрған. Және бұл қасиетті айда болып отырған жағдай. Мәдениеттілік қайда, олардың сенімі қайда? Мен бұл туралы баламды аясын деп емес, осындай әйелдерден сақ болуларыңыз үшін жазып отырмын», - деп жазған ана.