Жамбыл облысында жолаушылар пойызы аударылды (видео)
Алматы-Астана бағытымен жылжыған жолаушылар пойызының 8 вагоны рельстен шығып кетті.
Желіде қайғылы жағдайдың видеосы пайда болды. Онда өзге адамдар пойызда қалғандарды құтқарып жатыр. «Қолда бар ақпараттарға сәйкес, жолаушы пойызының 8 вагоны рельстен шығып кеткен. Зардап шеккендер бар ма, жоқ па - толық ақпарат бере алмаймын. Әкімдіктің жұмыс тобы оқиға орнына аттанды», - деді Төтенше жағдайлар жөніндегі облыстық штабтың басшысы, Жамбыл облысы әкімінің бірінші орынбасары Бекболат Орынбеков ҚазАқпарат тілшісіне телефон арқылы. ҚР ІІМ Төтенше жағдайлар комитетінің ресми өкілі Руслам Иманқұловтың айтуынша, құтқарушылар оқыс оқиға болған жерге бара жатыр. ҚТЖ бұл апат туралы әзірге пікір білдірген жоқ.