Ринат Заитов: Халқым, мен Қосановқа алданып қалдым (видео)
Ақын Ринат Зайтов өзіне сенген жұрттан кешірім сұрады.
Осыған дейін Қосановтың жоспары мен сайлау алды бағдарламасын насихаттап жүрген Ринат Заитов бір түнде басқаша сөйлеп шықты. Ақын халықтан кешірім сұрап, алданып қалғанын айтып ақталды, деп жазды KYN.KZ.
"Қадірменді ағайындар, енді артық сылтаудың дәл осы жерде айтылатын орны жоқ шығар. Жеке өз пікірімді айтайын. Мен осы сайлауды заңсыз деп танимын. Себебі, бір емес, ондаған заңбұзушылықтың қасында болып, өзім куәсі болдым.
Ал басқа, Әміржан Қосановтың, Дос Көшімнің жасаған жасаған комбинациясына құрбан болдым. Мен алдандым, бірақ мен ешкімді алдаған жоқпын. Сенгенім үшін айыптасаңыздар еріктеріңіз.
Бірақ дәл қазіргі уақытта есігімнің алдында жүрген тыңшыларға қарамастан айтатын жалғыз нәрсе ер азамат ешқашан екі сөйлемейді. Мен сіздерге уәде бердім. Халық қайда болса мен сондамын. Жазғырам десеңіздер, өздеріңіз біліңіздер",- дейді ақын Ринат Заитов видео үндеуінде.
Оқи отырыңыз: