Майғазиев "Музарт" тобы өзінің орнына жаңа әнші іздестіріп жатыр деген сұраққа жауап берді

Танымал әнші Сәкен Майғазиев Өнер академиясына проректор болып тағайындалғаннан кейін көпшілік оны "Мұзарт" тобынан кетіп қалды деп ойлады. Тіпті әншінің орнына жаңа орындаушы іздеп жатыр деген сөз де тарады. Майғазиевтің сөзінше расында "Мұзарт" тобының мүшелері бұған дейін бірнеше рет тарап кетпек болыпты. Топтың жұмысын тоқтатпау себеін әншінің өзі түсіндіріп берді, деп жазды KYN.KZ. "Біздер кезінде "Мұзарт" тобы болып жақсы танылдық, әндеріміз халық арасында жақсы тарады. Кейіннен Мұзарт Life жобасы жүзеге асырылғаннан кейін, біздер жолымызды сол жас буынға берсек пе деп ойладық. Енді біздер жігіттіктен аға буын болуға қарай кетіп барамыз. Жастар әрі қарай жүргізсе деп кеңестік. Өзіміз жеке шығармашылықпен айналыссақ дедік. Ол менің ғана ойым емес.  Мейрамбетің, продюсеріміздің шешімі болды. Шынында халық уайымдады. Бір жиында жиырма шақты адам отырған жерде осы пікірімізді айттық. Сол жерде Төреғали біраз үндемей қалыпты. Оны мен байқамаппын. Бір кезде "Төреш саған не болды?" деді арамыздағы кісілердің бірі. Сонда Төреғали "Мұзарт" тарқайды дегенге жүрегім сыздап, кәдімгідей алаңдап тұрмын. Осы кісілерге еліктеп талай жас сахнаға келді. Енді жол көрсетуші деп кімді көрсетеміз деп уайымдап отырмын" деп айтты. Бұл жалғыз мысал. Ел аралап концерт берген кезде талай тыңдарман осындай ойларын айтып жатты. Бізді халықтың ықыласы тарқатпай отыр. Ал, проректорлығыма келсем, қызметке шақыртылған кезде әншілігімді уайымдап бір апта ойландым. Содан жүгі жеңіл есек жатаған болады деп, айналамдағылардың кеңесімен барлығына үлгеремін деп жеңімді түріп кірісіп кеттім",- деді Сәкен Майғазиев Жанар Айжановаға берген сұхбатында.

Оқи отырыңыз: Айжан Байзақова АҚШ-қа көшкісі келетінін, Қазақстанда өзіне талай қастандық жасалғанын айтты Байзақова: Ата-анам мұсылман болғанымен мен дінсізбін Дана Тұрарбек: Академияда мұғалімдер мені шошқаға теңеп, Мадиярды ұсқынсыз деп 6 жыл оқудан құлатты Ләйлә Сұлтанқызы өзін сұхбатқа шақырған Қарақатты састырып тастады (видео) Сәуле Әбединованы бір топ әйелдің не үшін сабағаны анықталды