Медеу Арынбаев: Ұлым мен қызым есейіп, маған үйленуге қолқа салып жүр
Әнші марқұм әйелімен қоштасар кезде өзі берген уәделерді орындап, жеке өмірін ұмыт қалдырғанын айтты.
Танымал әнші Медеу Арынбаев жеке өмірі туралы сирек сыр шертетін әнші. Жақында ғана басына ота жасатып, сахнаға қайта оралған әнші жуық арада үйленіп қалуы мүмкін екенін айтты, деп жазды KYN.KZ "Ұлым екінші курсты аяқтады. Техникалық мамандық бойынша білім алып жатыр. Қызым мектепті биыл тәмәмдады. Журналистика саласына баруға ниеттеніп жүр. Бірақ ағасы ағалығын жасап, сәл қарсылық білдіріп жатыр. Оны енді тағыда отырып ақылдасып, бір шешімге келеміз деп отырмын.Жеке басыма келетін болсам, әйелім қайтқалы туыс-жақындар тарапынан "жалғыздық Құдайға жарасқан" деген әңгімелерді жиі есітіп келемін. Басында балаларым қарсы болды. Қазір енді өздері есейіп, қолқа салып жүр. Енді мен жағдайға қарап көремін. Осыған дейін денсаулығыммен айналыстым. Негізі маған өздері хабарласып, ниеттерін білдіріп жүрген келіншектер көп. Мүмкін алдағы уақытта үйленіп қалармын. Ол үшін де уақыт керек сияқты. Қазіргі ойым, өз талғамыма сай, ажырасқан немесе отырып қалған мүмкін балаларымен күйеуінен айырылып қалған болсын бір адам бар шығар жазылған. Бастысы менің жағдайыма сай, бір-бірімізге сыйластық жасай алатын адам болса деймін. Бұрынырақ басқа дүниелерге алданып, осы мәселені айналып өтеберіппін. Балалардың қалауы да сол болды. Көңілдеріне қарадым расын айтқанда",- деді әнші Медеу Арынбаев Қарақат Әбілдинаға берген сұхбатында. Оқи отырыңыз: