Кез-келген ата-ана болашақта баласының бай әрі бақуатты өмір сүрген қалайды. Бұл үшін балаңызды таңнан кешке дейін оқытып, үйірмелерге апарудың аса пайдасы жоқ. Ол үшін қаржылық кеңестер беріп, балаңызды әр кез жігерлендіріп отырыңыз. KYN.KZ бақытты әрі бай бала тәрбиелеудегі негізгі кеңестерді назарыңызға ұсынады.

1. Қателік жасауына кедергі болмаңыз:

Балаңыз бірдеңе бүлдірсе ұрыса жөнелмей, қателігін түзетіп үйретіңіз. Баланың жауапкершілігі артады. Жауапкершілік – жеңістің кілті. Мысалы: Ыдыс сындырып қойса, оны жинау үшін сыпырғы мен күрек беріңіз.

2. Ақша жинап үйретіңіз: 

Ата-аналар секілді балалар да өзіне қажетті заттарға ақша жинап үйренуі тиіс. Балаңызға ақша жинайтын қораптар жасап, одан қор жинауды әдетке ауналдыруын талап етіңіз.

3. Әр тауардың бағасын айтып отырыңыз

Сол сәтте ғана баланың да үйдің жағдайынан хабары болады. Қерексіз заттардан бас тартып, қажетті заттарды ғана сатып алуды үйренеді.  Мысалы: дүкенге барарда алатын тауарларды бірге жазып, бағаларын бңоге шығарыңыздар.

4. Балаға «негативіңізді» жұқтырмаңыз 

«Ақша жетпейді», «сенің осы пайдаң жоқ», «қайбір ақшасына алды дейсің,мемлекеттен тонаған» - деген секілді пікірлеріңізді балаңызды көзінше айтпаңыз. Керісінше, табысты адамдардың өмірі мен олардың қай уақытта бастап қаржы тапқандығы, жеңістері мен жеңілістері жайлы жиі әңгімелеңіз. 

5. Балаңызды әр жетістігі үшін мақтап, жігерлендіріп отырыңыз!

Балаңызды тек жетістікке жеткен сәтінде ғана емес, оған бара жатқан сәттерінде де мақтап отырыңыз. Ол жігерленіп, жеңіске деген құштарлығы оянады. Мысалы: Олипиадаға дайындалып жатқанда

6. Өздігінше әрекет етуіне мүмкіндік беріңіз

Ақсаусақ болып өскен бала – өз-өзіне сенімсіз болып келеді.  Себебі, әр кез оған кез-келген жағдайда ата-анасы көмектесіп отырады.  Осы әрекетіңіз арқылы балаңызды өз бетінше әрекет ету құқығынан айырасыз. Бала өзі жасай алатын жұмысты істеуіне ешқашан кедергі келтірмеңіз! Жоғарыдағы кеңестерге сіздің де қосарыңыз бар ма? Комментарийге жазып кетіңіз...