Жамбыл облысында апатқа ұшыраған пойыздың машинисі ұсталған жоқ. Бұл туралы бүгін ішкі істер министрі Қалмұханбет Қасымов мәлімдеді, деп KYN.KZ  Sputnik Қазақстан сайтына сілтеме жасай отырып хабарлайды. Бұған дейін Астана-Алматы бағытындағы пойызды басқарған машинистің ұсталғанын хабарлаған едік. БАҚ ақпаратынша, жолаушылар вагоны аударылған учаскеде кезекшілік атқарған теміржол жұмысшыларынан да жауап алынған. Қасымов үкімет отырысынан кейін: "Оны ұстады деп кім айтты? Бұл жалған ақпарат, одан бар болғаны жауап алынып, кейін босатты. Тұтас бір қылмыстық іс, сараптама жүргізіледі", — деді.   Машинистің ұсталмағанын бірінші инвестициялар және даму министрі Роман Скляр де растады. "Жоқ, ешкімді ұстаған жоқ. Тергеу объективті, ашық түрде жүргізіледі", — деп сендірді Скляр.