Қыз-келіншектердің бет күтіміне, бет терісіне жастығын сақтауға, оны тазалауға баса мән беретіні айқын. Бұл үшін олар неше алуан косметикалық құралдарды пайдаланады. Арзанды-қымбатты фирмалық өнімдер, өз қолымен дайындалған табиғи қоспалар, тағысын тағылар қыз-келіншектердің сұлулығына қызмет етуде.  Осы орайда теріге айтарлықтай зиян келтіретін, күнделікті қолданысқа етене еніп кеткен азық-түліктердің бар екенін де ескерген жөн. Ескертіп қана қоймай, ол азықтарды қолдануда абай болған жөн. Ендеше, олар қандай азық-түліктер екендігіне KYN.KZ сайты тоқталады. Тұз. Америкалық кардиологтар тұзды мөлшерден көп пайдалану тері саулығына айтарлықтай теріс әсер беретіндігін айтады. Тұздың бір тәуліктік қабылдану мөлшері 150 г-нан аспауы тиіс. Артық қабылданған тұз қан қысымын көтеруі мүмкін. Ал жоғары қан қысымы өз кезегінде коллагеннің түзілуіне кедергі жасайды. Бұл терінің біртіндеп табиғи серпімділігін жоғалтуына әкеліп соқтырады. Сондай-ақ, кейде ол көз астының ісуіне де себепші болады. Ішімдік. Алкагольді ішімдіктердің ағзадан ылғалды шығаратыны, оның теріге зиян екендігі аян. Оның кері әсері, әсіресе, майға қуырылған картоп, кептірілген нан, тұздалған жаңғақ сияқтылармен қосып ішкенде еселене түседі. Ең дұрысы-алкагольді ішімдіктерді қабылдамау. Қант. Қан тамырлары мен тері саулығына тәттіні көп пайдаланудың айтарлықтай зияны бар екенін айтып жүрміз. Тәттіден, әсіресе қанттан бас тартсаңыз теріңіздің сыртқы көрінісінен бірнеше ұнамды өзгерістер байқайсыз. Тері серпімді бола түседі, реңі жақсарады. Қантты жемістермен, түрлі жаңғақтармен алмастыруға болады. Газдалған сусындар. Газдалған тәтті сусындар ең зиянды сусындар қатарына жатады. Оның зияны тері мен тіске тиеді. Газды сусынның құрамындағы сода тістің эмалін бұзады, теріні ерте қартайтады. Мұны болдырмас үшін оның орнына табиғи шырындар мен нәрсулар ішіңіз. Кофе. Бұл сусын да тісті сарғайтып, теріні құрғатып, босататындықтар, тері үшін зиянды деп саналады. Ағзадағы сұйықтық жетіспеуі ең алдымен көз айналасындағы теріге әсер етеді, ұсақ әжімдердің пайда болуына себепші болады. Оны көк шаймен алмастыру-ең дұрыс шешім болмақ. Қуырылған ет. Астағамда қуырылған етті көп қолдану әжімді уақытынан бұрын "шақырады"  екен. Мұның себебі құрамында карнитин мөлшерінің көбеюімен түсіндіріледі. Ол қан тамырларының қабырғаларын әлсіретіп, нәтижесінде теріде қатпарлар пайда болады. Етті балықпен, сүт өнімдерімен ауыстыруға болады. Көмірсулар. Макарон өнімдері, ақ бөлке нан, жоғары сортты ұннан жасалған түрлі пісірмелер-бұлар гликемикалық индексі жоғары тағамдар. Оларды тұтыну теріге өте зиянды саналатын қышқылдану процесін жандандырады. Мұның соңы коллаген түзілуінің бұзылуына, тері созылғыштығын жоғалтып, ұсақ әжімдердің пайда болуына әкеледі. Олардың орнына ботқа мен жармаларды қолданған дұрысырақ. Ащы тағамдар. Ащы тағамдарды шектен асыра пайдаланбауға кеңес береміз. Демдеуіштерді асыра пайдаланбасаңыз, қылтамырлар да шығып кетпейді. Транс-майлар. Картофель-фри, бәліш, тез дайындалатын фастфуд тағамдар даярлағанда түзілетін майлар артерияларды бітейді. Осы себепті тері ерте қартаятын болады. Астағамға зиянды майлардан гөрі зәйтүн майы, кокос майын қосса, терінің жастығын сақтауға  көмектеседі.