Адам тамақтан уланған кезде оның мазасы кетіп, жүрегі айнып, тіпті, есінен танып қалуы да мүмкін. Мұндай жағдайға тап болған науқастың қасында жанашыр біреу бар болса жақсы. Егер де сіз тамақтан уланған адамға алғашқы көмекті қалай беруге болатынын білмесеңіз, төмендегі кеңестерге көз жүгіртіңіз деп хабарлайды KYN.KZ сайты. Неден уланғанын қалай білуге болады? Адам тамақтан уланған болса, оның белгілері 20-30 минуттан кейін біліне бастайды. Сондай-ақ, тамақтан уланған адамның іші  ауырып, бүк түсіп жатып қалады. Аурудың дене қызуы көтеріледі. Міне, осындай бегілерді жақын адамыңыздың бойынан байқап, ауырсынғанын көрсетіңіз тез арада көмек беруге асығыңыз. Ең бірінші қандай көмек беру қажет?

1. Ең бірінші уланған адамның асқазынан қайнаған сумен шаю қажет.

Ол үшін ауруға 1,5-2 литрге дейін су ішкізіп, жүрегінің айнығанын күту керек. Сонымен қатар клизма жасау да артықтық етпейді. Ал, марганцовкамен міндетті түрде ішті тазалауды ұмытпаңыз. Себебі, мұны жасамаған болсаңыз, уланған адам түрлі асқынулардың әсерінен мүгедек болып қалуы да мүмкін екен. Сонымен қатар тамақтан уланған адамның көзі қарауытып, тыныс алуы нашарлап, сөйлеуге шамасы келмей қалады.

2. Ауруға белсенділерге көмір беру қажет.

Уланған адамның дене салмағына қарай әрбір 10 килограмына 1 таблетка белсендірілген көмірді беріңіз. Мысалы, аурудың салмағы 70 келі шығатын болса, онда дәріні әрбір 2-3 сағат сайын ішкізуді ұмытпаңыз.

3. Уланған адамға жылы су ішкізу керек.

Ауру адамның қарсыласқанына қарамастан оған бойын жылытатын су беріп отырыңыз. Сонымен бірге уланған адамның денесі қалтырап, жаураған болса, көрпемен орап тастау қажет. Ал, ішіндегі улы тағамның бәрі сыртқа шықпайынша ауруға тамақ ішуге болмайды. Осыны есте сақтаған дұрыс.