Әр мұсылман намазды өз игілігі үшін оқиды. Мүмін адамның Алла алдында алақан жайып, жаратушыдан сүйеніш күтуінің жиырма артықшылығын біле жүріңіз. 1. Намаз - адамды Алланың сүйікті құлына айналдыратын құлшылық. 2. Намаз - періштелердің жақсы көретін амалы. 3. Намаз - Пайғамбардың (ﷺ) сүйікті ісі. 4. Намаз - дұғаның қабыл болуының негізі. 5. Намаз - барлық игі істердің төресі. 6. Намаз - ризық-несібенің, берекенің көзі. 7. Намаз - құл мен Жаратушы арасындағы нәзік сыр. 8. Намаз - адамды кемелдікке жетелейтін амал. 9. Намаз - арсыздық пен жамандықтан тыюшы. 10. Намаз - дұшпандардан қорған болатын құрал. 11. Намаз - оған Алланың лағнеті болғыр шайтанның ең жек көретін ісі. 12. Намаз - жүрегіңе тыныштық орнатып, жаныңа рахат сыйлаушы құлшылық. 13. Намаз - тозақ отынан қалқан. 14. Намаз - таразыда ауыр тартатын, сауап жинап беретін амал. 15. Намаз - адамның иман деңгейінің көрсеткіші. 16. Намаз - күнәларды төгетін, ойың мен бойыңды тазалайтын құлшылық. 17. Намаз - дәрежеңді көтеретін ғибадат. 18. Намаз - Қияметте ең бірінші сұралатын амал. 19. Намаз - Алланың кешіріміне жеткізетін ғибадат. 20. Намаз - Жәннаттың кілті, діннің тірегі!