Мұндай болжамды Ресейдің Гамалея атындағы эпидемиология және микробиология ұлттық зерттеу орталығының ғалымы Александр Бутенко жасады деп жазды KYN.KZ. Ғалымның сөзінше аты шулы вируспен күресу уақыты 6-7 айға созылады. Бұл вирус алғаш тіркелген сәттен бастап есептегенде.
Ғалым мысал ретінде бұған дейін әлем елдерін алаңдатқан індеттерді еске алды. Олар: 2003-2004 жылдар аралығында Қытайда болған SARS және 2012–2014 жылдары Сауд Арабиясында таралған MERS коронавирус инфекциялары.
Бутенко жоғарыда айтылған інттермен күрес кезін COVID-19 дертімен тек салыстырмалы түрде болжам жасап отырғанын ескертті. Себебі, коронавирус алдыңғыларға қарағанда жайылу аймағы мен өлім жағынан күштірек болып тұр.
