42 500 теңге жәрдемақыға өтінім кезең-кезеңмен қабылданады
фото:tengrinews
Еңбек және халықты әлеуметтік қорғау министрлігі шілде айына тағайындалған 42 500 теңге көлеміндегі жәрдемақы бұл жолы өзгерек таратылатынын түсіндірді. Халық бірден үлкен "салмақпен" бас салмас үшін көмекке мұқтаждарға ақша кезең-кезеңімен аударылады, деп жазды KYN.KZ. "Порталдарға шамадан тыс салмақ салмау және азаматтарға ыңғайлы болу үшін egov.kz және 42500.enbek.kz-те Мемлекеттік әлеуметтік сақтандыру қорынан ең төменгі жалақы – 42 500 теңге мөлшерінде біржолғы төлем тағайындауға өтініштерді қабылдау кезең-кезеңмен жүзеге асырылатын болады", - делінген хабарламада.
Сонымен, 16 шілдеден бастап бірыңғай жиынтық төлемді төлеуші адамдар үшін sms-хабарлама жіберу арқылы біржолғы төлемді тағайындау бойынша проактивті қызмет көрсетілді.
Проактивті қызметті пайдаланбаған, яғни sms-хабарлама алмаған осы санаттағы азаматтардан өтінім проактивті қызмет көрсету аяқталғаннан кейін қабылданады.
Жеке кәсіпкерлер, азаматтық-құқықтық сипаттағы шарттар бойынша табыс алатын адамдар және жеке практикамен айналысатын адамдар үшін өтінім қабылдау 17 шілдеде басталды.
Ал өз қызметкерлеріне өтінім беретін жұмыс берушілер (заңды және жеке тұлғалар) үшін өтінім қабылдау 19 шілдеден басталады.
Естеріңізге сала кетейік, "42 500 теңге" төлемін проактивті түрде тағайындау үшін 700 мың қазақстандық SMS-хабарлама алған болатын.
Төмендегі арналарды пайдалана отырып, өтініш беруге болады:
- - egov.kz – "электронды үкімет" веб-порталы;
- - 42500.enbek.kz порталы;
- - telegram-bot-тар;
- - Aitu мессенджеріндегі 42500.enbek.kz қосымшасы;
- - екінші деңгейлі банктердің мобильді қосымшалары мен интернет-ресурстары.
Ұқсас жаңалықтар
