Аталмыш оқиғаны тергеу өңірдің ішкі істер департаменті басшысы, полковник Бекет Аймағамбетовтың басшылығымен жүргізілуде.
Бойжеткен 20 шілде күні кешке жүгіруге кетіп, қайта оралмаған. Ал келесі күні орман ішінен зорлық-зомбылық белгілері бар денесі табылды.
«Істі тергеу ерекше бақылауға алынды. Күдіктілерді табуға бағытталған шаралар атқарылып жатыр, сараптамалар тағайындалды. Полиция оқиғаның бірнеше нұсқасын ұсынып отыр», — деп «Костанайские новости» басылымы жазды.
Қазірде бақылау камераларына түсірілген видеолар зерттеліп, Қостанай – Затобольск жолымен жүрген жүргізушілерден жауап алынуда.
