Әділжан Омаров «Сен үшін» атты әнге түсірілген бейнебаянын ұсынды. Желі қолданушылары әннің ұнамағанын жазып жатыр. Сондай-ақ, орыс қызын түсіргеніне наразылық білдіргендер де болды, деп хабарлайды Kyn.kz ақпарат агенттігі.
«Сен үшін» атты композицияға түсірілген бейнебаянымды ұсынамын. Біз барымызды салдық. Сіздерге ұнайды деген үміттемін. Ал ұнамай қалса, ештеңке етпейді. Бейнебаянды youtube желісінен көруге болады. Көруді ұмытпаңыздар», – дейді әншінің өзі.
Желі қолданушылары неліктен өз әйелін түсірмегенін сұрады.
«Өз әйелі қайда?», «Бірізді әншілер мен әндер жойылатын кез бола ма екен? Бәлкім басқа өмірімде шығар», «Тәуекелден мың есе әдемі ғой», «Неге қазақ қызы емес? Қазақ қызы әдемі?», «Мен осы қазақтарды түсінбеймін. Әйелі бола тұра клипке басқа қызды алады. Ол қазақ болса мейлі ғой. Орыс па, татар ма? Әйтеуір бір ұлт» деп жазды желі қолданушылары.
