Нұрсұлтан Назарбаев жұмыс барысында Ақтаудың демалыс орындарын аралап, олардың тыныс-тіршілігімен танысты.
Ол туристермен әңгімелесіп, Каспий шипажайларында демалудың артықшылықтарын, соның ішінде бағаның қол жетімділігін, суға шомылу маусымының ұзақтығын, Ақтау қаласы инфрақұрылымының жақындығын, қонақ үй санының көптігін атап өтті.
«Мен бұған дейін Алакөлде, Балқашта, Бурабайда болдым. Бұл демалыс аймағы отандық туризмді дамыту үшін жаңа мүмкіндіктер береді. Біз осы саланы ілгерілетуді жоспарлап отырмыз. Ақтау қаласы келешекте Қазақстанның Анталиясына айналатын болады», – деді мемлекет басшысы.
Анықталғандай, туристік нысанға тартылған инвестицияның жалпы көлемі – 485,2 миллион теңге екен .
