БҰҰ-ның зерттеуінің қорытындысы бойынша, біздің елімізде жылына шамамен үш мыңға жуық жасөспірім үйленіп жатады.
“Бірлестіктің жүргізген зерттеу жұмыстары аясында Қазақстандағы қыздардың сегіз пайызы 18 жасқа толмай ресми немесе бейресми некеге отырады. Олардың ішіндегі бес пайызы өзінен жоқ дегенде он жас үлкен ер азаматтарға тұрмысқа шығады”, – деп мәлімдеді ұйым өкілдері.
Сондай-ақ мамандар мұндай бойжеткендердің дені үйдегі зорлық әрекеттеріне тап болатынын да айтты.
Ал қыз-келіншектердің басым бөлігі күйеуінен көрген қорлықтарын жағдай ушығып кеткен кезде ғана айтады. Оған қоса, оны күйеулерінен жасырып айтуды жөн көреді.
Қиын жағдайға тап болған әйелдер үшін арнайы орталықтар да қарастырылған. Алайда, олар онла көп уақыт тұрақтай алмайды.
