Астанада жолаушыларды суға толы автобуспен тасыған жүргізуші жұмысынан қуылды. Бұл туралы брифингте Астана әкімі орынбасары Қосман Айтмұхаметов хабарлады.
«Автобус жүргізушісі ешкімді тыңдамай, сумен жүре берген. Сол себепті, ол қазір жұмыстан босатылды», — деді әкім орынбасары.
Сондай-ақ, Қосман Айтмұхаметовтың айтуынша, 20 тамыз күні көшелерді су басқанда қоғамдық көліктердің маршруты арнайы өзгертілді. Және де айналма жолмен барғанда, әрі кетсе, 5-10 минут кететін еді. Ал оған автобус жүргізушісі құлақ аспаған саңайлы.
Жүргізушіге қатысты соңғы шешімді «Astana LRT» басшылығы қабылдайтын болады.
Естеріңізге сала кетейік, Астанада 20 тамыз күні жауын-шашынның көп мөлшерінің түсуіне байланысты, елорданың оң және сол жағалауындағы бірқатар көшелерді су басқан еді.
