Мүмкіндікті қалт жібермей, көрші елде жұмыс бабымен жүрген Димашты жергілікті БАҚ өкілдері сұрақ астына алды. “Керемет дауысты өзің жасадың ба, әлде табиғат берген дарын ба?” деп сұхбатты бастады. Соған әнші:
“Бұл ең әуелі мұғалімдерімнің арқасы. Менің мықты ұстаздарым болды. Соларға сәлем жолап, рахмет айтам”, – деп жауап қайырды.
Ресей тілшісі орыс халқының Димашты жақсы көретінін, концертін тамашалағысы келетінін де айтты.Ал көрші елде концерт өткізу мүмкін бе деген сауалына:
“Бұл менің арманым. Егер халық сұрап жатса, Ресейде концерт өткізуді жоспарлауға болады. Соның ішінде Мәскеуді таңдайтын шығармыз”, – деп жауап берді.
Бұған дейін ресейліктер Димашты ыстық ықыласпен қабылдаған еді. Қазақ әншісі Димаш Құдайберген Сочиде өткен халықаралық “Жаңа толқын” байқауынды сілкініс жасады.
Танымал жұлдыздардың өзі Димаштың талантын мойындап, өнеріне тамсанды.
