Желіде тарап кеткен бейнежазбада ММА балуаны Сәбит Жүсіпов Алматыда жедел-жәрдем жүргізушісіне қол көтерген ер адамды жекпе-жекке шақырады.
“Егер сен балуан болсаң, әрі ересек адамдарға қол көтерсең, онда кездесейік. Маған қол көтеріп көрші? Мен саған жолақың мен медициналық тексеріске кететін шығыныңды өтеуге дайынмын. Тіпті осы үшін Алматыға баруға да әзірмін. Рингта болсын, жалпы қайда болса да, саған үлкен адамдарды қалай сыйлау керектігін көрсетемін”, – деп айтты.
Естеріңізге сала кетейік, күні кеше Алматыда белгісіз азамат жедел-жәрдем көлігінің жүргізушісін ұрып тастаған еді. Зардап шеккен ер адамға амбулаторлық көмек көрсетілді.
Кейін белгілі болғандай, көлік жүргізушісін 28 жастағы түрік азаматы ұрып кеткен екен. Қазіргі таңда, азаматтың үстінен “Тәртіпсіздік“ бабы бойынша қылмыстық іс қозғалған.
