Екі жас үш айда баланың психикасы мен интеллектінің белсенді дамуы қарқынды түрде жалғасады. Бала әлем туралы көбірек жаңа білім алады, сондай-ақ салыстыруға, талдауға, қорытынды жасауға үйренеді. Бала үшін ата-анамен бірлесіп жұмыс істеу барлық кезеңде де өте маңызды. Бала өзін бақытты сезіну үшін оған қарым-қатынас қажет. Бұл жаста ойнау тек көңіл көтеру емес, дамудың да алғышарты. Осы және өзге де бүлдіршін жайлы ақпаратты Kyn.kz ақпараттық порталынан оқып біле аласыз.

2 жас 3 айлық баланың физиологиясы

Екі жастан кейін бала құрдастарымен – ойын алаңдарында, жақын туыстарымен – шаңырақ астында тығыз қарым-қатынаста болуды қалайды. Сәбидің денсаулығын сақтау және оның иммунитетін қолдау үшін жоспарлы екпелерге қатысты дәрігердің ұсынымдарын орындаңыз – олар баланы қауіпті аурулардың ауыр зардаптарынан сақтандырады. Баланың дене бітімінің қалыпты дамуы маңызды рөл атқарады. Көбінесе балаға жазда шөпте немесе құмда жалаң аяқ жүруге мүмкіндік беріңіз, онымен бірге су ванналарын қабылдаңыз. Таза ауада мүмкіндігінше көп уақыт өткізіңіз. Жазда қалыптастырған мықты Иммунитет жыл бойы зиянын келтірер бактерияларға қарсы тұрады.

2 жас 3 айлық баланың психологиясы

2 жас 3 айлық уақыт өз-өзін дамытып, жаңа дағдыларды қалыптастыру үшін өте қолайлы. Бала өзін еркін сезінуге ұмтылып, ата-анасының көңілінен шығу үшін бәрін дұрыс жасауға тырысады. Егер белгілі бір нәрсені орындау лайықты деңгейде орындалмаса, қамықпаңыз. Мүмкіндігінше баланы еркін ұстап, өз ойын жеткізуге тырыса білетіні үшін мақтаңыз, егер әлдебір нәрсе дұрыс болмаса, ұрыспаңыз, күлмеңіз.

Бала үш жасында оқиғалар арасындағы байланыстарды түсіне бастайды. Қорытынды жасай білу – баланың психологиялық дамуындағы сапалы жаңа кезең. Бұл кезеңде логикалық ойлау қабілетін дамытуға бағытталған ойындар арқылы баланың деңгейіне бақылау жүргізу ұсынылады.

2 жас 3 айлық бала не істей алады:

• тегіс емес, ой-шұқырлары бар жерлері бар жолмен жүру, жолдағы белгілі бір шағын кедергілерден өту;
• 10-15 см биіктіктен секіру;
• допты екі қолмен лақтыру, тіпті кейде жақын қашықтықтан сіз лақтырсаңыз қағып алу;
• үш-төрт сөзден тұратын қысқа сөйлемдермен сөйлеу;
• кеседен өз бетінше іше алу, қасық пен шанышқыны ұстап тамақтану;
• гардеробыңыздан өз бетінше киіне алу;
• тіс жуу;

2 жас 3 айлық баланың ата-аналарына кеңестер

Балаңызбен мүмкіндігінше жиі жұмыс жасаңыз, оны бірлескен түрде болатын іс-шараларға қатыстырыңыз. Тиісінше оны тәуелсіз, ұқыпты және жауапты болуға үйретіңіз. Бұл кезеңдесіз неғұрлым көптеген жаңа дағдылар мен қабілеттерді ашуға күш салсаңыз, балаға алдағы уақытта соғұрлым жеңіл болады. Қазір баланың психикасы пластилинге ұқсайды, одан көп қалып жасап шығаруға болады. Әрине, баламен бұл жаста тығыз, қарқынды түрде жұмыс жасау арқылы сіз болашақта өз күш-жігеріңіздің жемісін көресіз.