Әдетте 3 жасынан бастап бала жүре бастайды. Оның сөздік қоры мол, ол өз қажеттіліктерін өзі белгілей алады.Алайда бұл кезеңнің де қиындықтары бар. Себебі 3 жаста бала дағдарысты бастан өткереді. Бұл кезеңнен қалай өту керек? Ата-анаға нені білу маңызды. Kyn.kz порталынан оқып біліңіз.
3 жастағы баланың физикалық дамуы
3 жастағы баланың бойы мен салмағы оның даму қарқыны мен баланың денсаулығына ғана емес, сонымен қатар нәсілдік және тұқым қуалайтын бейімділікке де байланысты. 3 жастағы ұлдардың салмағы 13,5 – тен 17 кг – ға дейін, ал қыздар 13-тен 16 кг-ға дейін жетеді. Бойы ұлдарда 97,27 см, қыздардікі 95,72 см жетеді.
3 жасында бала өз денесін сенімді түрде игерген, ол жүгіре алады, секіре алады, кедергілерден өтіп, баспалдаққа көтеріліп, қозғалыс бағытын өзгерте алады және тез бұрыла алады, еңкейіп, отырып тұра алады. Көптеген бала осы жасында үш дөңгелекті велосипед тебе алады, бір аяқпен секіре алады, скакалкамен секіре алады.
Ұқыптылық дағдыларынан басқа, үш жасар бала қасықпен жеп, шанышқыны қолдана білуі керек, шыныаяқтан суды төкпей ішіп, тоңазытқыштан немесе шкафтан өз бетінше тағамды қалай алу керектігін білуі керек.
Үш жастағы бүлдіршін өздігінен жуына алады, тісін ысып, киімін кию қабілетіне де ие. Әрине, мұндай кезде көп жағдайда олар түймелері мен бауын дұрыс байлай алмай жатады.
3 жастағы баланың нейропсихикалық дамуы
3 жаста бала өсіп, дамып қана қоймайды, ол «губка» сияқты ақпаратты өзіне сіңіреді. Сол себепті де тәжірибелі психологтар мен мұғалімдер бұл уақытты жіберіп алмауға кеңес береді. 3 жылдан кейін сіз балаңызды мектепке дайындау, бізді қоршаған әлеммен танысу, сондай-ақ шет тілдерін немесе музыканы үйрену үшін жүйелі сабақтарды бастай аласыз.
Көптеген ата-аналар баласын балабақшаға жіберсе, оның дамуына көп көңіл бөлудің қажеті жоқ деп есептеп, үлкен қателік жасайды. Өкінішке қарай, тәжірибе көрсеткендей, мемлекеттік және жекеменшік балабақшалардың көпшілігі әр баланың дамуымен толық айналыса алмайды, сондықтан қосымша сабақтар өте қажет.
Бұл жаста бала жеке сөзбен емес, қысқа сөйлемдермен еркін сөйлеуі керек сөйлеуі керек. 3 жастағы балалар қазірдің өзінде 2-4 жолдан тұратын өлеңді жаттай алады, барлық жақын туыстарының аттарын біледі.
Өздері туралы 1-ші жақта сөйлеп қана қоймай, бізді қоршаған ортадағы заттардың атын атап, тіпті оларға қысқаша сипаттама бере алады. Ол аз десеңіз олардың не үшін қажет екенін немесе объектінің не істейтінін де айтып береді. 3 жаста кішкентайыңыз 3-5 минут ішінде бір тақырып төңірегінде ой жинақтап, мәселенің шешімін өзі таба білуі, бірден үлкендердің көмегіне жүгінбеуі өте маңызды.
