Алматыда бүлдіршінді оқтаумен ұрды деген тәрбиеші өзіне қол жұмсады

Тәрбиешінің соңында 5 баласы қалды. Балалардың үлкені тұрмысқа шығып кеткен, кенжесі 3 жаста. Оның күйеуі органда қызмет жасаған.

Ratel.kz  мәліметі бойынша, 28 желтоқсанда ол асылып қалған. Оның мәйіті жуынатын бөлмеден табылды. Денесінде зорлық белгілері жоқ. Артынан хат жазып та қалдырмаған. Құқық қорғау органдары істі тергеп жатыр.

Естеріңізге сала кетейік, Алматыда бүлдіршіндерге қол көтерді деген күдікке ілінген тәрбиеші өзіне қол жұмсап, қайтыс болды.

Қазіргі күні Жетісу аудандық порлиция бөлімі Қылмыстық кодекстің 105-бабы "Өз-өзіне қол жұмсауға жеткізу" бойынша сотқа дейінгі тергеуді бастады.

Бұл бап бойынша 3 жылдан 8 жылға дейін бас бостандығынан айыру жазасы қарастырылған.

Бұған дейін әлеуметтік желіде әйелдің (тәрбиеші болуы мүмкін) балабақшада балаларды ұрған сәті түсірілген видео тарады.

"Ерін жарылған. Оқтаумен ұрғаннан денелері көгеріп кеткен, құлақтары мен шашынан жұлған. Бұл өзі балабақша ма? (...) Балаларды сеніп тапсырған тәрбиеші оларды азаптап жатыр. Осыдан кейін өзге тәрбиешілерге, жалпы балабақшаға деген сенім жоғалады", - деп жазылған видеоның астында. 

Ата-аналар отырған чатқа тәрбиеші байқамай бейнежазбаны өзі салып жіберген. Балаларды аялы алақанымен емес, тоқпақпен тәрбиелегісі келген әйелге қатысты қылмыстық іс қозғалған болатын.