Астанада №1 перинаталдық орталықта босанған екі әйел қайтыс болды, деп ҚазАқпарат тілшісіне сілтеме жасай отырып KYN.KZ хабарлайды. Астана қоғамдық денсаулық сақтау басқармасының баспасөз қызметі №1 перинаталдық орталықта босанған екі әйелдің қайтыс болғаны туралы ақпаратты растады. «Оқиғалардың болғанын растаймын. Олардың неден қайтыс болғаны және басқа да ақпараттар қызметтік тергеуден және сараптама комиссиясының қорытындысынан кейін жарияланатын болады», - деді басқармада агенттік сауалына.