18 қарашадан бастап McDonald's-тың еліміздегі мейрамханалар желісі тасымал қызметіндегі шектеулерге байланысты өз жұмысын уақытша тоқтатты, деп хабарлайды KYN.KZ.

«Компания жұмысты тезірек қалпына келтіру үшін бар күшін салуда. Мейрамханалардың ашылу мерзімі туралы кейінірек хабарланады», - деп мәлімдеді McDonald's.

Бүгінде компания 2 мыңға жуық қазақстандықты жұмыспен қамтып отыр. Қазақстандағы жұмыс істеп келе жатқан алты жылында компания қайырымдылыққа 80 млн теңгеден астам қаражат аударғанын айта кеткен жөн.