Мемлекеттік қызметтерді цифрландыру белсенді жүруіне байланысты елімізді Халыққа қызмет көрсету орталықтары алдағы уақытта болмауы мүмкін, деп хабарлайды KYN.KZ сайты.
Бұл туралы Цифрлық даму, инновациялар және аэроғарыш өнеркәсібі министрі Бағдат Мусин мәлімдеді. IT-саласы, бизнес және мемлекеттік орган өкілдері қатысқан басқосуда қолданыстағы электронды қызметтерді одан әрі жетілдіру мәселелері қаралды.
Министрдің мәлімдеуінше, биыл 10 айдың ішінде Алматыдағы Халыққа қызмет көрсету орталықтары екі миллионнан астам қызмет көрсетті. Проактивті формат осы қызметтерді қашықтан алуға мүмкіндік береді. Кеңес беру мобильді қосымшалар арқылы көрсетіледі. Сондай-ақ, бүгінгі таңда QR код арқылы тегін дәрі-дәрмек алу, «Әлеуметтік әмиян», «Отбасының цифрлық картасы» цифрлық жобалары жүзеге асырылуда.
