Екібастұз қаласы ЖЭО учаскесінің басшысы Сергей Видлог өлі күйінде табылды, деп хабарлайды KYN.KZ сайты. «4 желтоқсан күні сағат 21:25-те қоғамдық көлікжайда ВАЗ–21099 автокөлігінде 1989 жылы 20 тамызда туған «ЖЭО» ЖШС учаскесінің басшысы С.В. Видлогтің мәйіті табылды», — делінген хабарламаның көшірмесінде. Құжатқа сәйкес, мәйіттен зорлық-зомбылық белгілері табылмады. ҚР ҚК 105-бабының 1-бөлігі (суицидке дейін жеткізу) бойынша қылмыстық іс қозғалғаны көрсетілген. «Бұл факт Екібастұз қаласының ПБ-да (полиция басқармасы) тіркелген.  Тексеру жүргізілуде», — деп растады қала полицейлері.