Екібастұз қаласындағы жылу жүйесінде жаңадан болған апат салдарынан тағы 15 үй жылусыз қалды, деп хабарлайды KYN.KZ ақпараттық порталы. «6 желтоқсанда сағат 08.00-дегі жағдай бойынша 4 үй қалды, ол үйлерге де кіреберістерді жылуға қосу жүргізілуде. Аталған үйлерде қалыпқа келтіру жұмыстары кешке дейін жалғасады. 6 желтоқсан күні таңғы сағат 04.30-да №6 ықшамауданындағы орамішілік жылу желісінде апат болды. Момышұлы (42, 54, 46, 44, 48, 50, 52) және Жүсіп (59, 61, 65, 57а, 63, 63А, 63Б, 67А) көшесіндегі тұрғын үйлерге жылу беру тоқтатылды. Апат салдарын жоюдың болжамды уақыты – 14.00 сағат», - делінген апатты жою жөніндегі оперштабтың дерегінде.