Ақтөбе облысының Шалқар ауданында 15 жасар қыз өзіне қол жұмсады. Бұл туралы ҚР ІІМ баспасөз қызметі хабарлады, деп жазады KYN.KZ.  "Ағымдағы жылдың 13 қаңтарында сағат 00.10-да Шалқар ауданы Бегімбет ауылы үйінің ауласында орналасқан сарайда асулы тұрған 2007 жылы туылған кәмелетке толмаған қыздың денесі табылды. Аталған факті бойынша "суицидке жеткізу" ҚК 105-бабы 3-бөлігі бойынша сотқа дейінгі тергеу басталды. Осы оқиғаның себептерін анықтау мақсатында тергеу жүргізілуде", - делінген хабарламада. Айта кетелік, қазір аталған жағдайға байланысты сот-медициналық сараптама тағайындалды.