Түркістан облысындағы су тасқыны: 200-ден астам тұрғын қауіпсіз жерге көшірілді

Түркістан облысы Сауран ауданы Шаға ауылының екі жүзден астам тұрғыны 3 ақпанға қараған түні су басу қаупіне байланысты қауіпсіз жерге көшірілді, деп хабарлайды KYN.KZ. Аймақта жаңбыр жауып, су басқан. Ресми мәліметтерге сәйкес, Кентаумен қоса жиырма ауылды санағанда 234 үй мен 27 көше су астында қалды. Бүгін Түркістан облысына Үкімет тапсырмасы бойынша Төтенше жағдайлар министрі Юрий Ильин келіп, кеңес өткізді. «Сырдарияға су ағыны құйылады. Қазір Түркістан облысында ғана емес, Қызылорда облысында да жағдайды бақылау қажет», - деді министр шұғыл кеңесте.