Қарағанды балабақшасында тәрбиешілер немқұрайлы қарағандықтан 2 жасар баланың аяғы күйіп қалды

Қарағандылық келіншек баласы баратын «Kiddy land» жеке балабақшасында ұлын жуындырып, қараусыз қалдырғанын, соның салдарынан 2-3 дәрежелі термиялық күйік, дененің зақымдануының 4%-ын алғанын айтты, деп жазды KYN.KZ Бүлдіршіннің аяғындағы күйіктің фотосуретін анасы әлеуметтік желіге жариялады. Қарағанды облысы бойынша ПД аталған факт бойынша іс жүргізілгенін айтты. «Екі жасар баланың күйік шалу фактісі бойынша мектепке дейінгі мекемеде ҚР ҚК 1-бөлігінің 306-бабы бойынша қылмыстық іс тіркелген (жұмысты орындау не тұтынушылардың өмірі мен денсаулығы қауіпсіздігінің талаптарына сай келмейтін қызметтер көрсету). Қазіргі уақытта тергеу шаралары жүргізілуде», - деп мәлімдеді ведомствоның баспасөз қызметі.