Алматы облысында үшем дүниеге келді
Балалардың есімдері Қаракөз, Садық және Сыдық болды
Алматы облысының Қарасай ауданаралық көпбейінді ауруханасында дүние есігін ашқан үшем үйіне шықты. Бұл туралы ДСМ баспасөз қызметі хабарлады. Осы перзентханада екі ұл мен бір қызды дүниеге әкелген Ақмарал Айдар 29 жасында көпбалалы ана атанды. Ақмаралды үйінде тағы үш бала күтіп отыр, үлкен ұлы 8 жаста. Үшемнің үлкені Қаракөздің салмағы - 2460 гр, Садық - 2100 гр, Сыдық - 1820 гр.