Алматы облысында 8 жасар балаға 16, 13 жастағы екі жасөспірім сексуалдық зорлық-зомбылық көрсеткен
Оқушының анасы құзырлы органға арыз түсіріп, сот- медициналық сараптама жасалынып жатыр
Алматы облысы Жамбыл ауданының полиция бөліміне Қасымбек ауылының тұрғыны арызданып, 8 жасар баласының зорлық көргенін айтқан. Ол өзінің арызында сол күні сағат 16:00 шамасында 2015 жылғы кәмелетке толмаған ұлына қатысты сексуалдық сипаттағы зорлық-зомбылық әрекеттері жасалғанын хабарлады. Оның айтуынша, 2011 және 2008 жылғы екі жасөспірім ауылдың шетінде өздерінен әлдеқайда кіші баланы қорлаған. Қазіргі уақытта сот-медициналық сараптама тағайындалып, тергеу жүріп жатыр. Аталған дерек бойынша оқиға қатысушыларының бірі - 2011 жылғы жасөспірімнің әкесіне ҚР ӘҚБтК 127-бабының 3-бөлігі негізінде әкімшілік іс қозғалды. Бұдан өзге, тиісті материалдар 27 наурыз күні осы жасөспірімді мамандандырылған мектепке жолдау мәселесін қарау үшін уәкілетті органға жіберілді. «Қылмыстық іс жүргізу кодексінің 201-бабына сәйкес өзге ақпарат жарияланбайды» деп хабарлады полиция.