СҚО тұрғыны сепаратистерге: Елді арандатпай тыныш ғана кетіңдер, жол ақысын жинап берейік (видео)
Ол өз видеосын сатқындарға арналады деп атаған
Петропавл қаласының тұрғыны бір күн бұрын барша елді шулатқан сепаратистерге арнап үндеу жасады. Ол өз сөзінде "Қазақстанға көңілі толмайтындар, жай ғана кетіп қалыңыздар. Тіпті жол шығынына ақша жинап берейік" деген ұсыныс айтты. Артем есімді жігіт өз сөзінде "Қазақстаннан егемендігімізді алдық" дегендерге ұсынысы мен ескертуін айтты. Сөзінше ел ішінде жүріп, арандату әрекеттері қайталанар болса оларға қарсы топтардан опық жейтіндерін де ескерткен. Бір күн бұрын белсенді топ өздерін "Қазақстаннан азатпыз" деп жариялап, Қазақстан республикасын "корпорация" деп атаған еді. Өздерінің халықтық кеңесін өткізіп, өз ережелері мен тәртіптерін жұртқа таныстырып жатқан видеосы тараған еді.