Танымал продюсер Қайрат Нұртастың анасы Гүлзира Айдарбекова  соңғы уақытта желіде тарап кеткен Динара Әлжанның сұхбатынан кейін, тұңғышының сынның астында қалғанын байқаса керек, ұлын қолдап әлеуметтік желідегі парақшасында арнайы жазба арнады, деп жазды KYN.KZ тілшісі. "Қашан да қолдап, қорғап жүретін, махаббатына бөлеген қаншама халқың бар. Бақыттысың, ұлым! Еңбегің еселене берсін! "Тұмсықтыға шоқтырмайтын, қанаттыға қақтырмайтын мен де бармын" деп жазып кетсем қалай болады өзі", - деп жазды Айдарбекова. Айта кетейік Динара Әлжан Қайрат Нұртасқа құмар ойнаған кезде көмектескенін айтып сұхбат берген еді. Алайда продюсер бұл ақпараттың бәрін жоққа шығарды.