Жұлдыз Әбдікәрімова Дәулет Мұқаевты сынап жазған жазбасы үшін көпшіліктен оңбай сөз естіді

Танымал актриса Қайрат Нұртастың жұбайы Дәулет Мұқаев жайлы «Балапанды күзде сынап көреміз» деген жазба қалдырып көпшіліктің ашуына тиді, деп жазды KYN.KZ  тілшісі.  Актриса өзінің пікірімен инстаграм желісінде бөлісті: «Бүгін лента жаңалыққа толып кетті ғой. Министрлер толық жайғасып бітті ме өзі? Біз де үйде балаларды ана бөлмеден мына бөлмеге көшіріп тастадық. Әліміз жеткендерін жылы орындарынан қозғадық, ал үлкендері қалды сол баяғы бөлмелерінде. Қалай болғанда да үйде өзгеріс, серпіліс, дүмпу күтеміз. Су жаңа депутаттар да жұмыстарына кірісіп кетіпті. Өзім қолдаған үміткерлерге әзірге ризамын. Жол, әуежай мәселелері бойынша жауаптыларға ашық, ащы сұрақтар қойып жатыр. Оның ішінде тақиялы депутат та белсенді. Мүмкіндік беріп көрейік. Балапанды күзде санармыз. Ауысып-түйісіп, көшіріп-қондырып бітсек, асықпай тездетіп ауызашайық. Айтпақшы бензин сіздер жақта қанша болды?», -деп жазды ол. Желі қолданушылары саясатпен енді актрисалар мен әншілердің айналыспағаны қалғанын жарыса жазды. «Жұлдыз, сен кіріспей-ақ қойшы өзі, Қайрат екеулерің әлеулетіп-жәлеулетіп жүре беріңдерші», «Саясат сізге не керек? Дәулет барса халықтың таңдауымен барды, дәл сол жайлы тіпті айтатындай сіз кім едіңіз?», «Таң қаламын әншілерге біздің, осындай өнер адамдарына, не жетпейді осыларға?!», «Жұлдыз, Қайрат саясатқа араласып, ұятқа қалмаңдар, жағдайларың жеті аталарыңа жетеді, әркім өзі сүйетін іспен айналыссын», - деп ойларын ортаға салды.