"Күні бойы жыладым": Саяхатта жүрген отандық әнші күтпеген жағдайға тап болды
Индира Еділбаева: "Дәл сол сәтте қатты қобалжиды екенсің"
Бали аралында саяхатта жүрген отандық әнші Индира Еділбаеваға сүйіктісі тұрмысқа шығуға ұсыныс жасады. Өнер иесі бұл сәттің видеосын Инстаграм желісінде жариялады, деп жазды «КҮН.КЗ» тілшісі.
"Дәл сол сәтте қатты қобалжиды екенсің. Менің айтарға сөзім жоқ. Менде тек махаббат бар. Мен "иә" дедім", - деп жазды Индира Еділбаева. Видеодан әншінің мұндай ұсынысты мүлдем күтпегенін байқауға болады. Индира сезімге беріліп, күні бойы жылағанын да әлеуметтік желіде жазған. Айта кетейік, Индира Еділбаеваның таңдауы The Limba, Moreart, Liili секілді жұлдыздардың менеджері Кималдин Камирдиновке түскен.