"Арсыздық таныту - қылмыс": Ашулы арабтар Роналдуды елден қуып шықпақ (видео)
Адвокат Ноуф бин Ахмед Криштиану Роанлдуды тұтқындап, елден шығару бойынша прокуратураға арыз жазбақ.
"Әл-Наср" шабуылшысы Криштиану Роналду Сауд Арабиясы чемпионатының 25-турындағы "Әл-Хиләлмен" матчте оғаш әрекет жасады, деп жазды «КҮН.КЗ» тілшісі Vesti.kz сайтына сілтеме жасап.
Португалиялық футболшы алаңнан шығып бара жатқанда "Әл-Хиләл" жанкүйерлері Лионель Месси деп айқайлай бастады. Бұған жауап ретінде Роналду шатын ұстап, әдепсіз қимыл жасады. Marca мәліметінше, адвокат Ноуф бин Ахмед бұл оқиға үшін Криштиану Роанлдуды тұтқындап, елден шығару бойынша прокуратураға арыз жазбақ. "Бұл көпшілік алдында арсыздық таныту қылмысы болып саналады. Оның жазасы бойынша адам тұтқынға алынады, ал шетелдік болса, елден шығарылады", - дейді заңгер.