Ақтауда үш баласын әйелінен сұрап әкетіп, өлтіріп тастаған ер адам жайлы жаңа деректер шықты
Күдіктінің үйінің алдындағы дүкен сатушысы: Бір апта бұрын менің кассадағы ақшамды ұрлады
Сатушы Ақтауда үш баласын өлтірді деген ер адам туралы күтпеген дерек айтты. «Koremiz» бағдарламасы арнайы Ақтау қаласына барып, үш баласын өлтірді деген күдікке ілінген ер адамға қатысты деректер жинаған. Бағдарлама тілшілері дүкендегі сатушыға күдіктінің суретін көрсеткенде саудагер әйел оны бірден таныған. Себебі күдікті қайғылы оқиға болардан бір апта бұрын дүкенге ұрлыққа түскен екен. "Қасында бір бала бар. Түскі ас уақытында қызымды 10-15 минутқа дүкенге қойып кеткен болатынмын. Сол аралықта екеуі қызымды алдап, «әкеңді танимын, қазір әкеңнің телефонына ақша аударамын» деп кассадағы ақшаны алып кеткен. Қызым қорыққаннан ақшаны бере салған", - дейді дүкендегі сатушы. Алайда ақша ұрлағандар саудагердің сөзін жала деп төбелесіп кеткен. "Жолдасым сыртта сөйлесіп тұрды. Екеуі «ешқандай ақша алған жоқпыз» деп мойындамай, жолдасым екеуі сөзге келіспей қалды. Ол қалтасынан пышақ алып, жолдасыма пышақ кезеді. Сол жерде тұрған учаскелік инспекторлар ажыратып алды", - дейді саудагер әйел. Бұған дейін тағы бір тұрғын ер адамның екі қызы мен ұлын ертіп, таксиден түскенін өз көзімен көргенін айтқан еді. екі қыз мектеп жасындағы кішкентай бүлдіршін болса да орамалмен жабынып алғанын айтқан еді. Олардың әкесі сақал қойған, дін жолындағы азамат болып көрінген. Өкініштісі сол, әкесі үш баласын соңғы рет сол күні үйіне кіргізіп, азаптап өлтірген.