Тәжірибелі ауыр атлет Владимир Седов дүниеден өтті. Бұл туралы Қазақстан ауыр атлетика федерациясы хабарлады.

35 жастағы зілтеміршінің мәйіті Достық ауылындағы өзінің үйінен табылды.

Туыстарының айтуынша, ол өз-өзіне қол жұмсаған. Тергеу жүріп жатыр, деп хабарлады полиция.

Қазақстанның еңбек сіңірген спорт шебері Владимир Седов Қазақстанның бірнеше дүркін чемпионы болды, 2008 жылғы Олимпиадаға қатысты. 2016 жылдың шілдесінде допингпен ұсталды. Ал 2019 жылы 2008-2016 жылдар аралығындағы барлық титулы ресми түрде жойылды.