Айнұр Тұрсынбаеваның күйеуі "Нойс" қамауға алынды

"Қаңтар оқиғасына" қатысты қылмыстық жауапкершілікке тартылған "Дикий Арманның" сыбайластары қамауға алынып жатыр. Олардың арасында белгілі айтыскер ақын Айнұр Тұрсынбаеваның күйеуі де бар деп жазды KYN.KZ тілшісі. ІІМ мәліметінше, полиция қылмыстық топты құрықтау операциясын үш кезеңге бөліп жүргізген. Операция барысында құрықталғандардың арасында қылмыс әлемінде "Нойс" атты лақап атпен белгілі Нұржан Иманалиев те бар. Нұржан Иманалиев қазақ қоғамына айтыскер ақын Айнұр Тұрсынбаеваның күйеуі ретінде де танымал. “Нойс” деген лақап атымен белгілі Нұржан Иманалиевке бұған дейін халықаралық іздеу жарияланған. Ол "Дикий Арманның",  “оң қолы” саналған.