Әнші Жазира Байырбекова тойдан қайтар жолда оқ атылып, көлігіне тие жаздағанын айтты
Әнші: Көлігімнің төбесін жапқаным дұрыс болыпты, әйтпесе оқ тиері анық еді
Танымал әнші Жазира Байырбекова тойдан қайтар жолда оқ атылып, өміріне қауіп төнгенін айтты.Бұл туралы KYN.KZ ақпарат агенттігі хабарлайды.
"Кеше түнде, таңғы 3-4 шамасында Жаркенттен қайтар жолда Шелекке жақын көпірдің астынан көлікпен өте бергенде төбемізден оқ атылды. Көбіне төбесін ашып қоятын едім, қайта дәл сол сәтте жауып қойғанмын. Әйтпесе басыма тиетіні анық. Люк шашылып қалды. Өзіміз аманбыз, шүкір! Қап-қараңғы, ештеңе көре алмадық. Түнде жүрмеуге тырысыңыздар. Кімдер, не үшін, түк түсінбедік", - деп жазды әнші.